Современ дом АД Прилеп во првите шест месеци од годинава остварил вкупни приходи од 52.932 илјади денари, кои се зголемени за околу 2% во однос на истиот период во 2024 година, информираше Друштвото преку Македонската берза.
-Во овој период остварен е позитивен финански резултат во износ од 10.061 илјади денари и споредбено со истиот период од минатата година е зголемен за 25%.
Вкупните расходи изнесуваат 43.081 илјади денари и истите се намалени за околу 2% во однос на истиот период во 2024 година, велат од таму.
Фото: Унсплеш
