Против Максим Димитриевски веќе не се води постапка за злоупотреба, Обвинителството се повлече

Обвинението за злоупотреба на службената положба и овластување против градоначалникот на Куманово, Максим Димитриевски, кој пред неколку денови беше реизбран за претседател на владејачката ЗНАМ е одбиено, информираа од Основниот суд Куманово, бидејќи јавниот обвинител од Основното јавно обвинителство Куманово, се откажал од истото, информираа од Судот.

ПОВРЗАНИ ВЕСТИ

Максим Димитриевски реизбран за претседател на ЗНАМ

Одлуката е донесена на 1. јули, неколку денови пред утрешните завршни зборови за овој предмет, кој е во судска постапка.

Обвинението Основно јавно обвинителство Куманово го поднесе во март лани, а истото се заснова на две кривични пријави поднесени од две локални фирми. Тие го пријавија Димитриевски дека не им издал градежна дозвола според важечки Детален урбанистички план, а со тоа, како што кажаа тие, им нанел штета од околу 55.000 евра.

Димитриевски, пак, тврдеше дека кривичните се неосновани и дека тогашната власт се обидувала да го дискредитира и девалвира во очите на јавноста пред последните претседателски избори, на кои тој беше кандидат.

ПОВРЗАНИ ВЕСТИ

Димитриевски за повлекувањето на обвинението: Конечно правдата излезе на виделина

Немало докази за направена штета, велат од Обвинителство за повлеченото обвинеие против Максим Димитриевски

Максим Димитриевски повторно ќе се кандидира за градоначалник на Куманово

Фото: Димитриевски/Фејсбук