СДСМ тврди дека семејна фирма на Томовски добила 5,3 милиони евра преку тендери, тој демантира и најави тужба

Опозициската СДСМ која неодамна најави дека ќе започне со објавување на „бомби 2.0“ за коруптивни скандали на власта, објави дека семејна фирма на директорот на владината Служба за општи и заеднички работи (СОЗР), Ивица Томовски, добила 5,3 милиони евра преку тендери.

ПОВРЗАНИ ВЕСТИ

СДСМ ќе „пука“ „бомби 2.0“

Според СДСМ станува збор за фирма која добила 161 тендер, која првично се викала „Сити логистик“, а потоа го сменила името во „Сити аутсорсинг“.

Партијата ја повика и Антикорупциската комисија да покрене истрага за конфликт на интерес и корупција во врвот на Владата, а објави и дека Томовски бил еден од донаторите на ВМРО-ДПМНЕ.

Тој пак негира било каква поврзаност со фирмата и најави дека ќе ја тужи СДСМ за клевета.

Реагираа и од „Сити аутсорсинг“, од каде велат дека немаат никаква поврзаност со Томовски.

Фото: Томовски/Фејсбук