Градоначалникот на Општина Крива Паланка, Сашко Митовски, заработи кривична пријава за злоупотреба на службената положба и овластување од страна на Министерството за внатрешни работи (МВР).
ПОВРЗАНИ ВЕСТИ
Кривична за градоначалникот на Крива Паланка за злоупотреба на службената положба и овластување
За истата на Фејсбук реагираше Митовски.
-Сакаат да ме заплашат и уценат пред избори, но чукаат на погрешна врата. Ниту се плашам, ниту пак ќе се откажам, а граѓаните на Крива Паланка добро знаат кој работел чесно и во нивен интерес, а кој врши политички терор врз општината и граѓаните.
Во оваа држава, изгледа важи нова логика, ако не работиш и правиш криминал, тогаш си безбеден. Ако сработиш чесно, тогаш си под истрага. Ако ги почитуваш законите тогаш ти си осомничен а ако решиш некој проблем што не ти е ни надлежност, тогаш пак си виновен, пишува тој и за утре најавува прес-конференција..
Фото: Фејсбук/Митовски
