(Видео) Посветеноста, економичноста и ефикасноста ги кренавме на највисоко можно ниво, вели Мукаетов, генералниот директор на Алкалоид во новогодишното обраќање до вработените

Во „Алкалоид“ посветеноста, економичноста и ефикасноста ги кренавме на највисоко можно ниво, настојувајќи максимално да ги оптимизираме процесите во компанијата потпирајќи се на нашиот највреден ресурс – луѓето!, вели Живко Мукаетов, генералниот директор и претседателот на Управниот одбор на Алкалоид АД Скопје меѓу друго во новогодишното обраќање до вработените.

-Компанијата и оваа година го продолжи трендот на континуиран годишен раст и реализираше значаен дел од својата ESG-стратегија.

Го добивме бронзениот медал од EcoVadis (глобално призната платформа за оцена на одржливоста), со што се позициониравме меѓу водечките субјекти во регионот во поглед на транспарентноста и примената на одржливи практики, вели тој во обраќањето, посочувајќи дека денеска Алкалоид е компанија на над 3.000 вработени и на над 6.000 акционери.

-Огромен број иматели на удели имаат доверба во еден систем, стекната низ турбулентни времиња, но со искрен и чесен пристап, доследност и почит, потенцира тој.

Целото обраќање погледнете го во видеото:

ПОВРЗАНИ ВЕСТИ

Раст на консолидираните продажби за 7%, на консолидираната добивка од 8%, 50 нови вработувања: Што предвидува Бизнис планот на Алкалоид за 2026

Алкалоид го објави Финансискиот календар за 2026