Витаминка АД Прилеп во првите шест месеци од годинава остварила единечни вкупни приходи од 1,921,576 илјади денари и во споредба со истиот период лани тие бележат раст од 12%, соопшти Друштвото преку Македонската берза.
-Во структурата на вкупните приходи најголемо учество, 99%, имаат приходите остварени од продажба на производи и услуги од основна дејност, кои во споредба со остварените во 2024 година се повисоки за 12%.
Растотот на приходите е поради зголемената продажба на одредени групи на производи.
Остварените единечни вкупни расходи во првото полугодие од 2025 година изнесуваат 1,853,139 илјади денари и во споредба со остварените за истиот период во 2024 година бележат зголемување од 15%. Висината на вкупните расходи е во корелација со работењето за 2025 година.
Во извештајниот период е остварена добивка по оданочување во висина од 26,069 илјади денари, која во споредба со добивката за истиот период од минатата година е зголемена за 7%., велат од таму.
ПОВРЗАНИ ВЕСТИ
Витаминка ќе дели дивиденда по акција од 400 денари бруто
(Фото) Производите на Витаминка на престижниот China-CEEC Expo 2025 во Кина
Фото: Витаминка
