Во македонското Собрание опозициската СДСМ и нејзината коалиција денеска поднесоа иницијатива за основање на Анкетна комисија за трагедијата во Кочани, каде во пожар загинаа 63, а беа повредени 202 лица.
На инцијативата се придружија и пратениците од опозициската Левица, а подршка најави и владејачката ВМРО-ДПМНЕ, но бара нејзината работа да биде проширена и со другите трагедии.
Анкетната комисија, која ја побраа и родителите на загинатите и нивните семејства на последниот марш во Скопје изминатиов викенд, треба да ја утврди целата вистина, како и на кој начин била загрозена безбедноста на присутните во објектот во Кочани, да ги утврди институционалните пропусти, прекршувањата на законските одредби, како и да лоцира политичка одговорност.
Врз основа на наодите, пратениците предлагаат Анкетната комисија да изготви и на Собранието да му поднесе Извештај најдоцна еден месец по завршување со работа.
ПОВРЗАНИ ВЕСТИ
(Видео) “Не сакаме милост, туку вистина и правда“: Родителите на загинатите маршираа во Скопје
