Проектот „Безбеден град“ ќе почне да функционира од 1. јануари 2026 година, а претходно еден месец ќе има тест период, најави министерот за внатрешни работи Панче Тошковски.
Тој информираше дека се работи на промена на неколку закони, со кои, меѓудругото е предвидено и казна затвор и одземање на автомобил за сообраќајни прекршоци кои ќе бидат регистрирани преку камерите.
Со измената на Законот за безбедност на сообраќајот, ќе се воведе забрана за користење мобилни телефони и електронски уреди не само за возачите на моторни возила, туку и за пешаците и велосипедистите.
„Со измените се предвидува забрана за употреба на телефони и електронски уреди при управување со велосипед, мопед, мотоцикл, скутер, трактор и други возила, а истовремено и за пешаците при одење, преминување на коловоз или движење по велосипедска патека,“ изјави Тошковски.
ПОВРЗАНИ ВЕСТИ
Казни од илјадници евра ако возите и разговарате на мобилен во Грција
Фото: МВР
