Наместо денеска, за Извештајот за Македонија на Комитетот за надворешни работи на Европскиот парламент ќе се расправа на 24. јуни, а за истиот ќе се гласа во јули.
Расправата беше одложена на предлог на специјалниот известувач за земјава, австрискиот европратеник Томас Вајц, кој по бројните критики и обвинувања од страна на бугарските европратеници, рече дека апсолутно стои зад истиот.
– Ова е извештај на Европскиот парламент и на Европската Унија. Овој извештај нема намера и нема за цел решавање на билатерални прашања меѓу Бугарија и Северна Македонија.
Сепак, знаеме дека се работи и за билатерални односи, но исто така, да речеме, за владеењето на правото, за третманот на малцинските заедници и така натаму.
Затоа би сакал да побарам одлагање на гласањето по овој извештај за 24. јуни, рече меѓудругото Вајц, а со одложувањето на расправата, како што подвлече ќе им се дала можност на европратениците „да ги ажурираат своите лоби регистри“.
ПОВРЗАНИ ВЕСТИ
Што бараат бугарските и грчките европратеници да биде вметнато во извештајот на ЕП за Македонија
Бугарски европратеник со амандман го дефинира македонскиот идентитет и јазик како сегашен
Фото: Игор Бансколиев
