Нашиот идентитет е и јазикот што го зборувале нашите баби и дедовци и никој нема право да го оспори тоа, вели Муцунски за изјавата на еврокомесарката Кос

Прашан за вчерашната изјава на еврокомесарката за проширување и добрососедска политика Марта Кос, која предизвика лавина од негативни реакции во јавноста, македонскиот министер за надворешни работи и надворешна трговија, Тимчо Муцунски, денеска рече дека нашиот идентитет се нашиот јазик, нашата историја и нашата многувековна култура градена низ комплексни, тешки времиња.

ПОВРЗАНИ ВЕСТИ

Вашиот идентитет се погачата, тавче гравчето, пинџурот, полнетите пиперки, манастирите и тоа никој неможе да Ви го одземе, порача еврокомесарката Кос од Скопје

Тој меѓудругото посочи дека за жал, и во 21 век идентитетот е категорија која земји што се нарекуваат европски се обидуваат да ја оспорат.

-Посебно во овој регион идентитетот е сложена категорија. Да, за жал, и во 21 век е категорија која земји што се нарекуваат европски се обидуваат да ја оспорат, но за нас нема дилема дека историските личности како Делчев, Груев, Сандански се дел од нашиот идентитет, како што се и прекрасните манастири, преубавите џамии.

Нашиот идентитет е и соживотот, но и јазикот што го зборувале нашите баби и дедовци, прабаби и прадедовци и апсолутно никој нема право да го оспори тоа, односно да го оспори нашето право да го почитуваме она што е дел од нас како Македонци, рече тој.

ПОВРЗАНИ ВЕСТИ

Лавина од реакции за изјавата на Марта Кос за македонскиот идентитет

Еврокомесарката Марта Кос немаше лоша намера, но кога се зборува за чувствителни прашања треба да се внимава во изјавите, велат од СДСМ

Фото: МНР