По повлекувањето на обвинението од страна на Основното јавно обвинителство Куманово за злоупотреба на службената положба и овластување за градоначалникот на Општина Куманово и претседател на владејачката ЗНАМ, Максим Димитриевски, се огласи и тој.
ПОВРЗАНИ ВЕСТИ
Против Максим Димитриевски веќе не се води постапка за злоупотреба, Обвинителството се повлече
– Конечно правдата излезе на виделина. Пред претседателските избори во 2024 година реков дека тоа е политички монтиран процес од страна на урбано-политичко бизнис спрега позната во Општината. Бранев јавен интерес и тогаш и сега ги застапувам интересите на граѓаните.
Како човек кој верува во институции и малкуте професионалци кои ги има во нив, а во овој случај и во узурпираниот обвинителско правосуден систем, поминав низ долго патешествие и присуствував на секое рочиште пред Судот.
Во таа судска постапка беа презентирани многу факти и аргументи во форма на докази од мојот адвокатски тим кои ги побија обвинувањата и потврдија дека сум работел по закон во заштита на јавниот интерес. Правдата победи!
Трошоците на постапката ќе бидат надоместени според закон, а јас во иднина ќе информирам за моите понатамошни правни дејствија, соопшти Димитриевски.
ПОВРЗАНИ ВЕСТИ
Максим Димитриевски реизбран за претседател на ЗНАМ
Максим Димитриевски повторно ќе се кандидира за градоначалник на Куманово
Фото: Фејсбук/Димитриевски
