Лотарија на Македонија АД Скопје во првите шест месеци од годинава остварила добивка искажана во неревидираниот Биланс на успех од 5.512 илјади денари и добивка искажана во неревидираниот консолидиран Биланс на успех од 5.564 илјади денари, соопшти Друштвото преку Македонската берза.
-Остварените вкупни приходи за периодот 01.01-30.06.2025 година во висина од 13.863 илјади денари се намалени споредбено со остварените вкупни приходи во истиот период во 2024 година. Во структурата на вкупните приходи најголемо учество од 96,24% имаат оперативните приходи, кои за овој период бележат намалување во однос на претходната година. Кај финансиските приходи кои учествуваат со 3,76% во вкупните приходи има зголемување во однос на истиот период во 2024 година.
Остварените вкупни расходи за периодот 01.01-30.06.2025 година во висина од 8.351 илјади денари бележат намалување споредбено со истиот период во 2024 година. Оперативните расходи во висина од 8.343 илјади денари учествуваат со 99,90% во вкупните расходи и се намалени во однос на претходната година.
Остварените консолидирани вкупни приходи за периодот 01.01-30.06.2025 година изнесуваат 14.187 илјади денари и во споредба со остварените консолидирани вкупни приходи за истиот период во 2024 година бележат намалување. Во структурата на вкупните приходи најголемo учество од 96,01% имаат оперативните приходи кои бележат намалување во однос на истиот период во 2024 година. Финансиските приходи изнесуваат 566 илјади денари и учествуваат со 3,99% во однос на вкупните приходи и бележат зголемување во однос на претходната година.
Консолидираните расходи за периодот 01.01-30.06.2025 година се во износ од 8.623 илјади денари и бележат намалување во однос на вкупните расходи во истиот период во 2024 година. Консолидираните оперативни расходи изнесуваат 8.615 илјади денари и бележат намалување во однос на претходната година и учествуваат со 99,90% во вкупните расходи, велат од таму.
Фото: Унсплеш
