Обвинение за инцидентот на фудбалскиот меч во Штип, се бара продолжување на притворот за таткото на играчот од „Шкупи“

Основното јавно обвинителство Штип поднесе обвинение за таткото на играчот од фудбалскиот клуб (ФК) “Шкупи“, кој на натпреварот со ФК „Брегалница“ во Штип во рамки на Републичкото пионерско коло, натепа двајца играчи на возраст од 15 години на “Брегалница“.

Тој е обвинет за насилство, а Обвинителството бара и продолжување на притворот за него.

ПОВРЗАНИ ВЕСТИ

Таткото на фудбалерот на „Шкупи“ кој натепа фудбалери на “Брегалница“ заврши во притвор

-На 24. август, на фудбалскиот стадион “Бело Брдо“ во Штип, за време на фудбалскиот натпревар помеѓу пионерските екипи на фудбалските клубови “Брегалница“ од Штип и “Шкупи“ од Скопје, обвинетиот со грубо насилство ја загрозил сигурноста на оштетените две 15-годишни деца, кои биле играчи во тимот на ФК “Брегалница“.

На децата им нанел телесни повреди, а кај оштетените, останатата присутна публика и во јавноста предизвикал чувство на несигурност, загрозување и страв, велат од Обвинителството.

ПОВРЗАНИ ВЕСТИ

Родителите влетале на терен за да ги заштитат своите деца, велат од „Шкупи“ за инцидентот во кој беа тепани фудбалери пионер на „Брегалница“

Инцидентот се случи во 89. минута од натпреварот, кога судијата поради фаул на неговиот син му додели втор жолт картон со што тој беше исклучен од игра.

-Незадоволен од одлуката, најпрво синот се однесувал неспортски и со тупаници и со удар со нога се обидел да се пресмета со еден од фудбалерите на „Брегалница“. Тогаш на теренот влегол таткото и со тупаници и клоци започнал да ги удира двете деца, нанесувајќи им телесни повреди.

На игралиштето влегле и други лица од публиката, кои спречиле натамошна ескалација на настанот, велат од Обвинителството.

ПОВРЗАНИ ВЕСТИ

Дисциплински постапки за „Шкупи“ и “Брегалница“ за инцидентот на натпреварот во Штип

ФФМ доживотно го суспендираше играчот на “Шкупи“ чии татко натепа играчи на “Брегалница“