Маж на возраст од 33 години почина по сообраќајна несреќа што се случила вчера на експресниот пат Штип-Кочани, во близина на кочанското село Горни Подлог.
Се работи за Б.Д. од скопското село Љуботен, а како што информираа од ОВР Кочани, тој бил во возило „рено“ со регистарски ознаки од Македонски Брод, управувано од Х.М. (32) од скопското село Трубарево, кое се судрило со возило „фолксваген поло“ со бугарски национални ознаки, управувано од 22-годишната И.М. од Кочани.
Со повреди се здобиле и двајцата возачи, како и сопатниците во возилото “рено“, Д.З. (36) и И.М. (21) од Трубарево.
По укажаната помош во болницата во Кочани, И.М. била пренесена во приватна болница во Скопје, а останатите во Комплексот клиники „Мајка Тереза” во Скопје.
Телото на починатиот е дадено на обдукција.
Фото: Унсплеш/видео: Телевизија Кочани
