Избран изведувачот за реконструкција на Универзалната сала, еве како треба да изгледа

Од Министерството за култура и туризам информираа дека е избран изведувачот за реконструкција на Унверзалната сала во Скопје.

За најповолен изведувач денеска е избрано градежно проектантско трговско друштво Универзал-Балкан.

Реконструкцијата ќе биде по принцип на изградба “клуч на рака“, што значи дека во предвидениот рок објектот ќе биде целосно изграден, уреден и подготвен за користење, односно за одржување концерти, настани и други културни содржини.

По завршување на законските рокови за доделување на договорот ќе биде потпишан договорот за изведба, а по исполнување на сите потребни предуслови за почеток на градба и воведување на изведувачот во работа, ќе следува официјалното започнување на градежните активности, велат од таму.

Рокот за реализација на проектот е предвиден до декември 2027 година.

Еве како треба да изгледа:

ПОВРЗАНИ ВЕСТИ

Универзалната сала треба да биде завршена до 2027, градежните работи се планира да почнат кон крајот на септември

Фото: Министерство за култура и туризам