40. јубилеен „Макфест“ во Штип заврши, а за време на тридневниот фестивалски настан на сцената на Центарот за култура „Ацо Шопов“ беа испеани 27 нови композиции.
Основачот на фестивалот Стојан Троицки, низ солзи го прими признанието за животно дело, а признанија добија и уметничките директори на фестивалот „Макфест“, кои во изминатите 40 години биле дел од него.
Освен дебитантската вечер, во меморијата на публиката ќе остане и вечерта на која беа изведени 16 безвременски хитови, испеани на сцената во Штип, а кои и денес се актуелни.
За најслушана песна помеѓу ланскиот и годинешниот фестивал, беше прогласена „Жена“ на Антонија Гиговска.
Водители беа Димитар Атанасовски и Маријана Станојковска.
Фото/Општина Штип
