Синот на газдата на „Пулс“ сакал да се самоубие, во пожарот ја изгубил девојката и пријател, кажа неговата одбрана

Одбраната на третобвинетиот за трагедијата во Кочани, Михаил Јованов, кој е син на првообвинетиот Дејан Јованов – Деко, газда на т.н. дискотека „Пулс“, на денешното рочиште меѓудругото посочи дека тој бил обвинет само заради тоа што е син на Јованов.

Според неговата адвокатка Ивана Коцевска, тој имал своја фирма „Карго бит ДООЕЛ Кочани“ и не добил никакви овластувања од неговиот татко да презема дејствија во име на фирмата која ја водела т.н. дискотека, во која тој никогаш не бил ниту сопственик, ниту управител.

Таа тврди и дека имало психолошки нарушувања кај нејзиниот клиент, бидејќи во пожарот ја загубил девојката, со која бил 10 години и неговиот најдобар пријател, и дека и самиот се здоби со изгореници од трет степен.

Поради тоа кај него, според неа, се појавиле суицидни мисли и морал да работи со психолог.

Според Коцевска за него Основното јавно обвинителство не обезбедило ниту еден доказ и не прецизирало конкретно дејствие што му се става на товар.

ПОВРЗАНИ ВЕСТИ

Братот на газдата на „Пулс“ само продавал карти, кажа неговата одбрана, сопственикот на објектот не знаел дека Деко ќе го преадаптира во дискотека

ДНК и институциите биле виновни за пожарот во „Пулс“, кажа одбраната на газдата на т.н. дискотека

Никој од обвинетите за трагедијата во Кочани не чувствува вина

Фото: Игор Бансколиев