Телефоните во ќелијата на обвинетиот Џеваир Камбери не биле негови, се јавил вистинскиот сопственик, вели неговиот адвокат

Телефоните и лаптопот за кои на минатато рочиште за трагедијата во Кочани, судијката Диана Груевска Илиевска информираше дека се пронајдени во ќелијата на обвинетиот во случајот, Џеваир Камбери, кој е во притвор, не биле негови, кажа на денешното рочиште неговиот адвокат Насер Рауфи.

ПОВРЗАНИ ВЕСТИ

Во ќелија на обвинет за трагедијата во Кочани најдени 13 мобилни и лап топ

Според него бил „детектиран“ вистинскиот сопственик, кој се пријавил сам.

Камбери е во притвор во затворот Скопје, а е обвинет како советник во Министерството за економија.

Тој е единствениот обвинет, кој освен за тешки дела против општата сигурност, е обвинет и за примање поткуп.

Според Основното јавно обвинителство тој се товари дека примал поткуп и изготвувал лажни службени исправи, при што, според Обвинителството, зел 226.000 денари или над 3.600 евра за да издаде фалсификувана дозвола.

ПОВРЗАНИ ВЕСТИ

Директорот на затворот во Шутка вели дека не е точно дека лице признало дека се негови телефоните кои беа најдени во ќелијата на Џеваир Камбери

Фото: Влада