Денеска во Клубот на пратеници во Скопје ќе се одржи лидерска средба, а инцијатор на истата е премиерот и лидер на владејачката ВМРО-ДПМНЕ, Христијан Мицкоски.
На средбата нема да присуствува единствено опозициската СДСМ.
Свое присуство на средбата потврдија од опозициските ДУИ и Левица, како и од владејачката коалиција Вреди и ЗНАМ.
Според најавеното на средбата на партиите кои имаат пратенички групи во Собранието, треба да се разговара за реформските закони од правосудството, за изборот на Народен правобранител, за Изборниот законик и за укинување на техничката влада, како и за други прашања на предлог на учесниците на средбата.
