Од страна на Основното јавно обвинителство за гонење организиран криминал и корупција (ОЈО ГОКК), било повлечено обвинението за бизнисменот Цветан Панделески за предметот „Империја“, објави Призма.
Обвинението било повлечено во декември лани, а Призма за информацијата добила потврда и од Основниот кривичен суд Скопје.
Според Призма истото го повлекол обвинителот Фатон Азизи, кој во доказната постапка оценил дека нема докази оти Панделески перел пари и измамил 150 акционери на Бетон АД Штип.
Случајот “Империја“ го отвори поранешното Специјално јавно обвинителство.
