На седницата на Централниот комитет на владејачката ВМРО-ДПМНЕ, Драган Ковачки е избран за нов генерален секретар на партијата.
Тој доаѓа на местото на Ѓорѓија Сајкоски.
На седницата е избран и нов состав на Извршниот комитет на партијата, кој брои 29 членови, а дел од нив се нови имиња.
ПОВРЗАНИ ВЕСТИ
Драган Ковачки е нов генерален секретар, еве кои се старо-новите членови на ИК на ВМРО-ДПМНЕ
Кој е Ковачки
Роден е на 17.4.1977 година во Делчево.
Дипломирал на Воената академија.
Завршил и Кралски колеџ за одбранбени студии во Лондон, Обединето Кралство на Велика Британија и Северна Ирска и Командно-штабна академија во Хрватска.
Зборува и англиски јазик.
Професионална и политичка кариера
Тој е моментално пратеник во македонското Собрание.
Пратеник бил и од 2021 до 2024 година.
Претходно бил офицер во македонската Армија.
Во Армијата и Министерството за одбрана бил дел од специјалните единици, а потоа извршувал повеќе раководни функции, главно во армиското разузнавање, а бил и командант.
Бил припадник и на специјалната единица „Волци“ и учесник во воениот конфликт во 2001 година.
Тој е старо-нов член на Извршниот комитет на ВМРО-ДПМНЕ.
ПОВРЗАНИ ВЕСТИ
ВМРО-ДПМНЕ во овој мандат повеќе нема да има потпретседатели
Фото: Фејсбук/Ковачки
