Општина Центар побара засилена контрола од МВР за да се спречи вандализмот на игралиштата

Општина Центар ги обнови детските игралишта кај „Зебра” во Капиштец и кај КАМ маркет во Дебар Маало, при што дотраените и оштетени реквизити се заменети со нови за да се обезбедат побезбедни и поквалитетни услови за игра и рекреација на децата.

„На барање на жителите побаравме засилено присуство на МВР на терен, особено во вечерните часови, кога има појава на вандализам и оштетување на детските игралишта.

Во општината има околу 50 детски, спортски, маалски и училишни игралишта. Даваме сѐ од себе да ги одржуваме и унапредуваме, но за жал често се соочуваме со нивно оштетување, поради што повторно вложуваме средства за нивно санирање.

Апелирам до граѓаните заеднички да водиме грижа за јавното добро и да ги чуваме содржините што се наменети за сите”, порача градоначалникот Горан Герасимовски.

ПОВРЗАНИ ВЕСТИ(

(Фото) По зачестените случаи на вандализам, од Општина Карпош апелираат и до родителите за поголема информираност за движењето и однесувањето на нивните деца

Фото: Општина Центар