Дарко Костовски е старо-новиот градоначалник на скопската општина Бутел.
еМагазин во серијал ќе Ви ги престави новоизбраните градоначалници во поголемите општини, од кои дел се нови лица, а дел се реизбрани.
ПОВРЗАНИ ВЕСТИ
Каков имот пријавил Дарко Костовски, старо-новиот градоначалник на Бутел
Кој е Костовски
Роден е на 27. октомври 1988 година во Скопје.
Дипломирал на Правниот факултет ”Јустинијан Први” во Скопје, на насока политички студии, во 2011 година.
Тој е и магистранд на Правниот факултет ”Јустинијан Први” во Скопје, на насока применета политика и политички систем.
Работно искуство и политичка кариера
Работната кариера ја започнува во 2014 година, во Министерството за труд и социјална политика, како советник во кабинетот на министерот. Функцијата ја извршува до 2017 година.
На локалните избори во 2013 година е избран за советник во Општина Бутел, како кадар на ВМРО-ДПМНЕ со четиригодишен мандат.
На парламентарните избори во 2020 година е избран за пратеник од ВМРО-ДПМНЕ, функција што ја извршува до октомври 2021 година.
За градоначалник на Општина Бутел за првпат е избран во првиот круг на локалните избори, во октомври 2021 година.
Зборува англиски јазик.
Приватно
Тој е селектор и тренер на македонската таеквондо репрезентација, носител на црн појас трет дан во олимписко таеквондо и црн појас прв дан во џудо.
Градоначалникот две години беше дел од македонската џудо репрезентација и двапати државен сениорски шампион во џудо.
Тој е основач и тренер на таеквондо клубот “Бутел”. Како тренер, достигнал повеќе врвни резултати со македонската таеквондо репрезентација. Најголем успех е освојувањето на сребрениот медал на олимпијадата во Токио, во 2021 година.
Костовски е оженет со Тамара и е татко на Исидора и Тодор.
ПОВРЗАНИ ВЕСТИ
Кој е Менди Ќира, новиот градоначалник на Струга
Кој е Владко Грозданов, новиот градоначалник на Кочани
Кој е Петар Јанков, новиот градоначалник на Струмица
Фото: Фејсбук/Костовски
