Денеска Супорт Кочани прими донација од 4.070 силиконски лепенки за третман на лузни, информираат од таму.
„Лепенките се донирани од граѓани кои живеат во Словенија, како и од словенечка фирма. Транспортот беше овозможен со поддршка од компанијата Белдона ММС.
Упатуваме голема благодарност до граѓаните и фирмата што беа вклучени во донацијата, до возачите на Белдона ММС и самата фирма, кои беспрекорно се погрижија за логистичкиот дел и за помалку од четири часа овозможија донацијата да стигне до нас.
Оваа донација е уште еден потсетник дека вистинската поддршка понекогаш доаѓа таму каде што најмалку ја очекуваме – од срцата на обичните луѓе, преку граници и без големи зборови,“ велат од Супорт Кочани
Фото: Фејсбук/Супорт Кочани
