Од Шпаркасе Банка информираа дека од 1. октомври ќе ги намалат тарифите и надоместоците за 15 услуги наменети за физички лица и за шест услуги наменети за правни лица.
Одредени надоместоци како што велат од Банката се намалуваат и до 70%.
Целосно се укинува надоместокот за реализирање интерни електронски налози и за уште пет други услуги.
За над 60% се намалува надоместокот за реализирање електронски налози преку МИПС.
За над 30% се намалува надоместокот за реализирање хартиени безготовински налози преку МИПС во експозитурите на Банката.
За 70% се намалува надоместокот за реализирање хартиени готовински налози преку МИПС во експозитурите на Банката.
За над 50% се намалува надоместокот за реализирање хартиени готовински налози преку МИПС во експозитурите на Банката, и за клиенти од други банки.
За над 15% се намалува надоместокот за реализирање електронски налози преку КИБС.
За 10% се намалува надоместокот за реализирање хартиени безготовински налози преку КИБС во експозитурите на Банката.
Од таму информираат и дека Банка продолжува да нуди целосно бесплатна услуга и пакет за млади Vibe On, кој вклучува бесплатно одржување сметка, користење мобилно и електронско банкарство, дебитна картичка и други банкарски услуги без надоместок. Овој пакет е наменет за сите млади лица на возраст до 25 години.
Целосно се укинуваат четири административни надоместоци за правни лица.
До 50% се намалуваат трошоците од редовната тарифа за МИПС-налози преку електронско банкарство.
До 35% се намалуваат трошоците од редовната тарифа за интерни трансакции (помеѓу сметки во Шпаркасе Банка) реализирани преку електронско банкарство.
Повеќе детали за намалување на надоместоците за физички и правни лица се достапни на следните линкови: измени за физички лица и измени за правни лица.
ПОВРЗАНИ ВЕСТИ
НЛБ Банка укинува и намалува надоместоци во домашниот и меѓународниот платен промет
Комерцијална банка укинува и намалува повеќе надоместоци за физички и правни лица
И УНИ Банка со намалени надоместоци за физички и правни лица
