На седница на Централниот одбор на опозициската СДСМ, вчера, актуелната пратеничка на партијата Јована Тренчевска и Александар Трајановски, кој е лекар, а беше и кандидат на СДСМ за градоначалник на Општина Аеродром на последните локални избори, беа избрани за нови потпретседатели на партијата.
ПОВРЗАНИ ВЕСТИ
Јована Тренчевска и Александар Трајановски се нови потпретседатели на СДСМ
Тие се предлог на претседателот на СДСМ, Венко Филипче, а нови членови доби и Извршниот одбор на партијата.
Во раководството на партијата се врати и поранешната потпретседателка Ана Чупеска, која си поднесе оставка за време на последните локални избори.
ПОВРЗАНИ ВЕСТИ
Која е Ана Чупеска, потпретседатеката на СДСМ, која поднесе оставка
Која е Тренчевска
Тренчевска е поранешна министерка за труд и социјална политика. На таа позиција беше избрана во јануари 2022 година.
Пред да дојде на таа функција беше в.д. директорка на Државниот инспекторат за труд.
Образование
Тренчевска е родена во Струмица на 13. септември 1969 година.
Таа е дипломиран социолог, која своето обрзование го стекнала на Универзитет „Св. Кирил и Методиј“ во Скопје.
Дипломирала во 1994 година, а во 2012 година се стекнала со звање магистер по социолошки науки на истиот Универзитет, на Институтот за социологија.
Зборува англиски јазик, посетувала повеќе обуки и е коавтор на повеќе публикации и анализи, стои во нејзината биографија.
Професионална и политичка кариера
Од 2018 до 2020 беше државна секретарка во Министерство за труд и социјална, а во 2018 година беше раководителка на Одделението за родова еднаквост, Сектор за еднакви можности при Министерство за труд и социјална политика.
Од 2003 до 2018 година ја извршуваше функцијата советничка за родова еднаквост, Сектор за еднакви можности при Министерство за труд и социјална политика.
Од 2000 до 2003 беше координаторка на ресурсен центар за унапредување на родовата еднаквост, Организација на жени Струмица, програма на Македонски центар за меѓународна соработка.
Фото: Фејсбук/Тренчевска
