Од денеска по седум години, повторно е отворен етно-комплексот „Македонско село“.
Со истиот сега ќе управува фирмата „Ла тераца“ за месечна цена од 210.000 денари, следните 15 години.
Комплексот како што е познато се наоѓа на падините на Водно до скопското село Нерезеи, а се состои од 12 автентични македонски куќи со простории каде што се претставени македонските занаети, делови се користат како хотелски соби, а некои имаат и ресторански дел.
Комплексот е изграден во 2011 година, а прв концесионер беше „Тинекс“.
Се протега на 12.000 квадратни метри.
Засега со автобус до таму ќе се стигнува потешко, поради ретките автобуски линии.
Фото: Влада
