Македонскиот министер за надворешни работи и надворешна трговија, Тимчо Муцунски, денеска во Атина, Грција, се сретна со грчкиот колега Јоргос Герапетритис.
Муцунски во објава на Фејсбук средбата ја отцени како одлична и конструктивна, а според него разговарале за билатералната и регионалната соработка, унапредувањето на политичките и економските односи меѓу двете земји, потенцијалот за нови инвестиции и проширување на енергетската соработка.
-Во фокусот беше и нашиот евроинтегративен пат.
Солидарноста, партнерството и меѓусебната почит се темел за посилни врски. Заеднички ја потврдивме посветеноста на понатамошно унапредување на односите, важноста од почитување на меѓународното право, партнерството во рамките на НАТО и соработката во мултилатералните организации, напиша Муцунски.
ПОВРЗАНИ ВЕСТИ
Грција од Македонија бара целосно да го почитува Договорот од Преспа
Фото: МНР
