Силен ветар денеска предизвика пожари во близина на Спортскиот центар “Борис Трајковски„, кој е изгаснат, кај Нерези на Водно во Скопје и на Скопска Црна Гора меѓу селата Црешево и Брњарци и меѓу селата Крушопек и Лока.
Има и паднати дрва и откорнети кровови во Капиштец, Чаир, Ѓорче Петров, Карпош…, а според Центарот за управување со кризи нема повредени лица.
Делови од градот пак останаа без струја.
Моментално почнува да врне дожд.
Во Охрид пак невреме кое предизвика високи бранови го прекина 38. Охридскиот пливачки маратон, откако учесниците веќе поминаа половина од 25-километарската делница.
Видео: Фејсбук/Висар Вишка/Жарко Трајаноски
