Кој ќе биде нов градоначалник на Гостивар: „Битката“ ќе се води помеѓу Невзат Бејта и Валбон Лимани

Познати се кандидатите на владејачката коалиција Вреди и на опозициската коалиција Национална алијанса за интеграција (НАИ), предводена од ДУИ, за градоначалник на Општина Гостивар.

Како што е познато таму изборите за градоначалник ќе се повторат од почеток, на 11. јануари, бидејќи во првиот круг од локалните избори во октомври не беше постигната потребната законска излезност.

Кандидат на Вреди е Невзат Бејта, поранешен член на ДУИ, а на НАИ, досегашниот градоначалник Валбон Лимани од крилото во Алијанса за Албанците (АА) на Арбен Таравари, кој имаше најмногу гласови во првиот круг.

Од другото крило на АА на Зијадин Села, кое ја напушти НАИ, најверојатно ќе нема кандидат.

Пред неколку денови до изборите, Општината доби повереник, назначен од Владата.

ПОВРЗАНИ ВЕСТИ

Именувани повереници за општините Маврово Ростуше, Центар Жупа, Врапчиште и Гостивар, каде не се избраа градоначалници

Таравари останува, Села ја напушти коалицијата на ДУИ

Повторените локални избори во Гостивар, Врапчиште, Маврово и Ростуша и Центар Жупа ќе се одржат на 11. јануари

Фото: Игор Бансколиев