Од денеска започна увидот во Избирачкиот список. Истиот ќе трае до 11. септември.
Доколку Ве нема на истиот или е потребно бришење или дополнување на одредени податоци, може да се обратите писмено во подрачните одделенија или месните канцеларии на Државната изборна комисија (ДИК), како и по електронска пошта.
Подрачните одделенија на ДИК, чиј список е објавен на веб-страницата на ДИК, работат секој ден од 8 до 20 часот (и за викенд и празници), а на 11. септември до полноќ.
Како да проверите онлајн дали Ве има на Избирачкиот список
Отворете ја официјалната страна на ДИК ОВДЕ.
Внесете ЕМБГ и безбедносен код, па кликнете „Барај“, по што ќе добиете потврда дали сте запишани.
Ако забележите неточност (погрешни податоци/непронајден запис), поднесете барање за запишување, дополнување или бришење на податоци – писмено во подрачно одделение/месна канцеларија на ДИК или по електронска пошта на [email protected]. Со барањето приложете соодветни докази.
За дополнителни информации и контакти проверете ја интернет страницата на ДИК и обратете се на службениот е-маил [email protected].
Фото: Игор Бансколиев
