Притвор за 16-годишникот од Охрид кој силуваше 12-годишно девојче

Од Министерството за внатрешни работи (МВР) информираа дека Секторот за внатрешни работи (СВР) Охрид поднел известување до Основното јавно обвинителство Охрид за 16- годишник од Охрид, поради постоење основи на сомнение за сторено кривично дело „полов напад и силување“, како и за 14- годишник од Охрид за сторено кривично дело „уцена“.

ПОВРЗАНИ ВЕСТИ

16-годишник силувал 12 годишно девојче во Охрид, чинот го снимал друг малолетник, до видеото дошол 14-годишник кој уценувал

-На првопријавениот од страна на надлежен судија му е одредена мерка притвор во траење од 30 дена откако, претходно полициски службеници од СВР Охрид го пронајдоа и го лишија од слобода.

Тој на 12.11.2025 извршил обљуба врз 12- годишно девојче од Охрид, додека друг малолетник снимал.

Второпријавениот, откако го добил снименото видео, на 20.11.2025 ја уценувал малолетничката да имаат сексуален однос, а доколку одбие и рекол дека ќе го објави видеото.

Врз малолетничката е извршен медицински преглед, а полициски службеници и претставници на Центарот за социјални работи Охрид, во присуство на родител, со неа како и со двете пријавени лица, извршија службени разговори, по што е поднесено известување до надлежното Обвинителство, велат од таму.