Засега седум кандидати за градоначалник на Град Скопје, еве кои се

Професорот и декан на Градежниот факултет при Универзитетот “Кирил и Методиј“, Горан Марковски засега е последниот кандидат за градоначалник на Град Скопје. Тој е кандидат на граѓанската платформа „Независни заедно“, која ја сочинуваат „Шанса за Центар“, „Зелените за Гази Баба“ и „Групација 389“.

ПОВРЗАНИ ВЕСТИ

Граѓанската платформа „Независни заедно“ го претстави независниот кандидат за градоначалник на Град Скопје, Горан Марковски

Освен тој моментално за оваа функција има уште шест кандидати.

Кандидат на владејачката ВМРО-ДПМНЕ е актуелниот градоначалник на Општина Кисела Вода, Орце Ѓорѓиевски, кандидат на опозициската СДСМ е потпретседателката на партијата и поранешна министерка за животна средина и простотно планирање, Каја Шукова, кандидат на владејачката коалиција “Вреди„ е Башким Бакиу, актуелен директор на Дирекцијата за општи услуги во Универзитетскиот клинички центар во Скопје, на опозициската коалиција “Европски фронт“ предводена од ДУИ е Скендер Реџепи Зејд, пратеник и лидер на партијата Народното движење, на опозициската Левица е Амар Мециновиќ, кој е пратеник и кандидатот подржан од ТМРО, Александар Рашковиќ, професор по дизајн на Европскиот универзитет.

Првиот круг на локалните избори е на 19. октомври, а вториот на 2. ноември.

ПОВРЗАНИ ВЕСТИ

Кој е Орце Ѓорѓиевски, кандидатот на ВМРО-ДПМНЕ за градоначалник на Скопје

Каја Шукова кандидат на СДСМ за градоначалник на Град Скопје, кои се за Битола, Прилеп, Карпош…

Амар Мециновиќ кандидат на Левица за градоначалник на Скопје

Фото: Игор Бансколиев