Никој од обвинетите за трагедијата во Кочани не чувствува вина

На денешното трето рочиште за трагедијата во Кочани, ниту еден од обвинетите не се изјасни за виновен за кривичните дела за кои се товарат.

Тоа беше веќе познат факт, имајќи во предвид дека 35. обвинети веќе се имаат изјаснето за невини во оценката на Основниот кривичен суд Скопје за првото обвинение за пожарот во т.н. дискотека.

ПОВРЗАНИ ВЕСТИ

Ниту еден обвинет за пожарот во Кочани не признал вина, сопственикот на „Пулс“ ги обвинува институциите и ДНК

И преставнците на трите обвинети правни лица, исто така посочија дека нивните клиенти не чувствуваат вина.

Откако првото обвинение за трагедијата беше споено со тоа за вистинскиот сопственик на агенцијата за обезбедување „Рубикон“, Александар Нацев, која ја обезбедуваше т.н. дискотека, сега бројот на обвинети физички лица е 36.

И тој не чувствува вина.

Меѓу обвинети за трагедијата во првиот предмет се Дејан Јованов-Деко, сопственикот на „Пулс“, неговиот син, Михаил Јованов, братот на Дејан Јованов, Тодор Јованов, Милка Едровска од „Венци промет“, Огњан Георгиев, општински градежен инспектор, Николчо Гоцев, градежен инспектор, поранешните градоначалници на Општина Кочани, Ратко Димитров, Николчо Илијев, и Љупчо Папазов, Јане Јанчевски, директор на „Рубикон“, обезбедувачот Мартин Ѓорѓиев, Шабан Салиу, поранешниот директор на Дирекцијата за заштита и спасување (ДЗС) и актуелен министер без ресор, Беким Максути, исто така поранешен директор на ДЗС, Џеват Селмани, поранешен директор на ДЗС, поранешните министри за економија, Ваљон Сараќини и Крешник Бектеши, Размена Чекиќ-Дуровиќ, поранешна државна секретарка во Министерството за економија…

Правните лица се „ММММ Кафе“ ДООЕЛ, „Рубикон секјурити“ и „Венци проект“.

ПОВРЗАНИ ВЕСТИ

Во ќелија на обвинет за трагедијата во Кочани најдени 13 мобилни и лап топ

Лица кои биле во „Пулс“, неколку месеци по трагедијата, пријавиле проблеми со дишење и други здравствени проблеми

Фото: Игор Бансколиев