(Видео) Полицајци спречија ширење на пожарот кај “Борис Трајковски“, неколку од нив завршиле на Токсикологија

Во текот на вчерашниот ден кога Скопје и околината ги зафати невреме со силен ветер, избувнаа неколку пожари.

Еден од нив беше во близина на спортскиот центар “Борис Трајковски“. Неговото ширење како што информираа од Министерството за внатрешни работи (МВР), го спречиле полициски службеници кои биле ангажирани за физичко обезбедување на меѓународен ракометен турнир, заедно со екипа од противпожарна заштита.

Како што информираат од МВР тие дошле на помош кога пожарот веќе зафатил моторни возила и објекти, како и лизгалиштето, што е во склоп на спортскиот центар. 

Била направена и евакуација на учесниците на турнирот и сите други спортски работници и публика.

Откако пожарот бил изгаснат девет полициски службеници биле на кислородна поддршка на Одделот за токсикологија поради вдишување на чад. Тие се во стабилна состојба.

ПОВРЗАНИ ВЕСТИ

(Видео) Скинати кабли на ЕВН и Телеком, запалени бандери, паднати дрва, оштетени возила: Над 50 пријави од невремето во Скопје

(Видео) Невреме во Скопје предизика пожари, во Охрид го прекина Охридскиот пливачки маратон

Видео: МВР