Во Собранието денеска е изгласан Буџетот за 2026 година.
За истиот гласаа „за„ 71 пратеник, 14 беа „против„, а воздржани немаше.
Буџетот за следната година тежи околу 6,7 милијарди евра.
Во него растот на бруто-домашниот производ (БДП) е проектиран на 3,8%, а инфлацијата на 2,5%.
Вкупните приходи се проектирани на 374,9 милијарди денари, расходите на 414,2 милијарди денари, а буџетскиот дефицит на 39,2 милијарди денари или 3,5% од планираниот БДП.
