Лекар на Воено-медицинската академија во Софија, Бугарија, по потекло од Македонија предизвика бура од реакции во земјата откако со автомобил прегази куче, маалски миленик.
Од видеото објавено од надзорни камери се гледа дека тој отпрво не приметил дека го прегазил кучето, излегува од автомобилот согледувајќи што направил, и уште еднаш го прегазува, наместо да му помогне.
По социјалните мрежи се споделуваат информации и за неговиот идентитет, а локалните медиуми објавија дека му се заканува затворска казна и до пет години, ако се утврди намера, а може да ја изгуби и работата во болницата, која била информирана за инцидентот.
Тој бил сослушан во полиција и бил пуштен, откако негирал дека намерно го прегазил кучето. Тамошното Обвинителстото отворило предистрага.
Видео: Фејсбук/Amaranta Evie Riz
