Јавното сообраќајно претпријатие (ЈСП) Скопје ги известува своите корисници на билети за возрасни лица од „старосна група – над 62/64 години”, дека заверката на истите за 2026 година, може да се прави во сите центри за персонализација, започнувајќи од вчера.
„Заверката се реализира исклучиво лично од страна на корисникот, со приложување на документ за лична идентификација. Сите билети за возрасни лица од “старосна група – над 62/64 години”, кои нема да бидат заверени заклучно со 31.01.2026 година, ќе бидат автоматски блокирани,“ се вели во соопштението.
