Жито Лукс АД Скопје во првите девет месеци од годинава остварил добивка пред оданочување од 23 милиони денари, која е за 2 милиони денари помала во споредба со добивката остварена истиот период лани, соопшти Друштвото преку Македонската берза.
Како што велат од таму тоа е резултат на повисоките трошоци за основни суровини, енергија и работна сила.
-Оперативната добивка бележи умерено намалување во споредба со минатата година, како резултат на зголемените производствени и дистрибутивни трошоци, кои се делумно ублажени преку мерките за контрола на трошоци и подобрената ефикасност.
Бруто-профитната маржа останува стабилна, поттикната од редовно генерирање приходи и ефективните ценовни стратегии. Бруто маржата од 33% одразува добра производна профитабилност и континуирана побарувачка за производите на Компанијата, велат од таму.
Генерираните приходите од продажба се стабилни во однос на споредбениот период, рефлектирајќи континуираната побарувачка на пазарот, посочуваат од таму.
-Растот на обем на продажбите од 4% кај основните категории производи укажува на продолжена потрошувачка наклонетост кон брендираните производи на Компанијата. Зголемувањето на продажбите во овие сегменти, позитивно влијае врз бруто-профитот и ги одразува ефективните комерцијални и дистрибутивни стратегии.
Останатите оперативни приходи изнесуваат 13 милиони денари, што претставува зголемување од 5 милиони денари во споредба со истиот период во 2024 година.
Овој раст главно се должи на поголеми приходи од помошни деловни активности и еднократни добивки, обезбедувајќи дополнителна поддршка кон оперативната профитабилност на Компанијата.
Зголемувањето на трошоците на продадени производи за 4%, примарно се должи на повисоки цени на основните производствени инпути и зголемени фиксни трошоци на тековните капитални инвестиции.
Овие фактори придонесуваат кон пошироки инфлаторни движења, додека стратегистките одлуки за инвестирање се насочени кон подобрување на долгорочниот капацитет и ефикасност. Пониските оперативни трошоци се показател за ефективната контрола на трошоците на Компанијата и враќање кон стабилен тренд на издвојување средства за маректинг активности, велат од таму.
ПОВРЗАНИ ВЕСТИ
