Грчки АЕК ги обвини македонските власти за откажувањето на натпреварот со Алкалоид

Синоќа како што е познато не се одигра финалниот натпревар на ЕХФ Европскиот куп помеѓу македонскиот ракометен клуб Алкалоид и грчкиот АЕК.

ПОВРЗАНИ ВЕСТИ

Не се одигра мечот помеѓу Алкалоид и АЕК, управата на грчкиот клуб не им дозволи на играчите да излезат на терен

За откажувањето на натпреварот грчкиот клуб ги обвини македонските власт или како што ги нарече во соопштението “локалните власти во Скопје“, иако причината е што грчките навививачи дошле во поголем број од договорените 200, па биле вратени на граница.

Дел од навивачите на АЕК дојдоа во Скопје, но и се заканија на управата на клубот да не го игра натпреварот, по што и тие се вратија во Грција.

„АЕК значи чест, гордост, почит, морални вредности. АЕК значи семејство, АЕК значи единство! Најголемата поддршка на АЕК низ времето е нејзината навивачка база. А непочитувањето на тие навивачи е и непочитување кон АЕК.

Вечерва раководството на АЕК, со еден глас, донесе тешка, но неопходна одлука.

Ниту една сила не може да го оштети овој народ, како што се обидоа да направат локалните власти во Скопје, кулминирајќи со тоа што не им дозволија на некои од нашите навивачи да ја поминат границата и да влезат во земјата, иако тоа беше договорено на утринскиот безбедносен состанок.

Сите сме тука, продолжуваме обединети, честа на АЕК не е предмет на преговарање“, велат од АЕК.

Во првиот натпревар помеѓу двата тима во Атина, Грција, Алкалоид победи со 29:25.

ПОВРЗАНИ ВЕСТИ

РК Алкалоид: Огромна благодарност за поддршката, не по наша вина, финалето не се одигра

Грчки АЕК истата “финта“ ја направи и со српски Партизан

Мечот помеѓу Алкалоид и АЕК не се одиграл поради безбедносни причини, срамно соопштение од ЕХФ

Фото: РК Алкалоид