Бројот на загинати во пожарот во станбениот комплекс во Хонг Конг, Кина, се зголеми на 151 лице.
Околу 30 лица се уште се водат за исчезнати, а се стравува дека дел од нив никогаш нема да бидат пронајдени, бидејќи нивните тела целосно изгореле во пожарот.
Полицијата досега уапси 13 лица под сомнение за убиство од небрежност, а 12 се уапсени во антикорупциска истрага поврзана со реновирањето на комплексот.
Утврдено е и дека материјалите кои се користеле за реновирање на зградите придонеле за побрзо ширење на пожарот во комплексот во кој живееа над 4.000 лица.
Материјалите не ги исполнувале стандардите за гаснење пожари, а дел од опремата била скриена од инспекција, објавија тамошните медиуми.
Исто така алармите за пожар не работеле правилно и е утврдено дека изолационата пена која била користена при реновирањето дополнително го забрзала ширењето на пожарот.
ПОВРЗАНИ ВЕСТИ
Фото: Унсплеш
