Жена на возраст од 41 години загина во несреќа која се случила вчера на локалниот пат за селото Русјаци, Општина Македонски Брод.
Станува збор за К.С.С. од Кичево, а како што информираа од Секторот за внатрешни работи (СВР) Битола, таа од повредите починала на лице место.
До несреќата дошло откако возило „цитроен“, со кое управувала починатата излетало од коловозот и се превртело.
Со телесни повреди се здобиле сопатниците С.С. (69), М.С. (62) и шестгодишно дете, сите од Кичево, констатирани во Општа болница Прилеп.
Телото на почината е дадено на обдукција.
Фото: Унсплеш
