Денеска утрово се уапсени неколку лица, а повеќе медиуми објавија дека меѓу нив е и струмичкиот бизнисмен Ристо Крмзов.
Крмзов извинативе години од страна на медиумите и владејачката ВМРО-ДПМНЕ се поврзуваше со семејството на поранешниот премиер Зоран Заев.
Засега нема официјални информации за оваа акција на Бирото за јавна безбедност, Управата за финансиска полиција и Управата за јавни приходи, која била извршена по налог на јавен обвинител.
Неофицијално лицата се уапсени поради фиктивно прикажување на добивки и симулирано плаќање на даноци за поврат на ДДВ.
Лицата, неофицијално, со помош на фиктивни фирми, непостоечки физички лица од Косово и други земји, оформувале лажни трансакции како параван за изигрување на законот, а нелегално стекнатите средства, преку монтирани државни исплати завршувале во приватни џебови, а потоа се переле и легализирале преку градежниот сектор.
ПОВРЗАНИ ВЕСТИ
МВР потврди дека е уапсен Ристо Крмзов за кого има предистрага од лани
Фото: КОД/Телма
