Уапсен 25-годишниот возач на мотор кој побегна откако усмрти пешак пред зграда кај „Жабар“

Денеска (03.07.2025) во полициска станица во СВР Скопје е извршен службен разговор со Ф.Љ. (25) од Скопје, кој на 01.07.2025 околу 19.30 часот на пешачка патека во близина на ул.„Ленинова“ во Скопје, со мотоцикл „кавасаки“ со скопски регистарски ознаки, удри во пешакот Ј.Н. (68) од Скопје, по што избега, а од здобиените повреди Ј.Н. почина во Комплексот клиники „Мајка Тереза“, информираа од Министерството за внатрешни работи.

-Ф.Љ. е лишен од слобода и по документирање на случајот, во координација со јавен обвинител против него ќе биде поднесена кривична пријава по брза постапка, велат од таму.

ПОВРЗАНИ ВЕСТИ

Со мотор усмртен 68-годишен маж од Скопје, возачот во бегство

„Ми го прегазија татичко свирепо на пешачка зона пред сопствениот прозор“: Се огласи ќерка на прегазениот 68-годишен скопјанец

Фото: МВР