Градоначалничката на Град Скопје, Данела Арсовска денеска физички била нападната од едно лице во скопски Чаир.
Таа по инцидентот, во кој биле нападнати и вработени во Град Скопје, додека правеле увид за дивоградба во Чаир, на улицата Кумбара, побарала помош во Градската општа болница „8 Септември“.
Засега нема официјални информации за нејзините повреди, а дел од медумите објавила дека имала контузии од ударање со тупаници и клоци.
Инцидентот го потврдија од Министерството за внатрешни работи, од каде исто така посочуваат дека на Арсовска од повеќе лица и биле упатени и вербални закани.
Таа не го пријавила случајот во полиција, а периодов информираше дека е цел на постојани закани.
ПОВРЗАНИ ВЕСТИ
Арсовска објави фотографија од лицето кое ја нападнало
За нападот на Арсовска приведени две лица
(Видео) Пред полицајци ме удираше и ми се закануваше дека ќе ме силува: Данела Арсовска за нападот
Фото: Арсовска/Фејсбук
