Разрешената директорка на училиштето во Демир Хисар подне кривични за новата директорка, градоначалникот и просветни и полициски инспектори

Разрешената директорка на средното училиште „Крсте Петков Мисирков“ во Демир Хисар, Маја Лозановска преку нејзиниот адвокат Жарко Стевановски поднесе кривични за шест лица, меѓу кои и за новоназначената в.д. директорка на училиштето, Јасмина Дамчевска, градоначалникот на Општината Демир Хисар, Никола Најдовски, како и двајца просветни и двајца полициски инспектори.

Според Стевановски тие „организирале незаконски активности“ со цел да се отвори простор за вработувања „по партиски клуч“ на 19 лица – технички персонал и наставен кадар – преку оглас распишан пролетва. Сомнежите се однесуваат на периодот од мај до 8. август 2025 година.

Кривичните се поднесени до Основното јавно обвинителство за гонење организиран криминал и корупција.

ПОВРЗАНИ ВЕСТИ

Кривична за директорката на училиштето во Демир Хисар за криење на печатите

Училиштето во Демир Хисар има две директорки: Која е вистинската?

Началникот од Демир Хисар ќе биде разрешен, внатрешната контрола утврдила непрофесионалност во постапувањето

Фото: Општина Демир Хисар