Гитаристот на ДНК, Горан Тонев: Таа вечер имаше посебна енергија, како да чувствувавме дека е за последен пат

Денеска се навршуваат шест месеци од трагедијата во т.н. дискотека во Кочани, во која загинаа 62, а беа повредени 203 лица.

Еден од повредените е и гитарист на ДНК, Горан Тонев, која трагичната ноќ имаше концерт. Тој е еден повредените кој два месеци се лекуваше во Солун, Грција.

По повод шестте месеци тој се огласи на Инстаграм, постирајќи и фотографии со загинатите колеги од групата.

„Поминаа 6 месеци од ноќта која што на сите ни ги промени животите…

Уживавме да ја делиме сцената, насмеани и ведри, како и секој наш настап, но таа вечер имаше посебна енергија, како да чувствувавме дека е за последен пат.

Не требаше да биде вака колеги мои… Засекогаш ќе ве носам во моето срце! Почивајте во мир“, напиша тој.

Денеска во Скопје ќе има мирен собир, а во Кочани протест за трагедијата.

ПОВРЗАНИ ВЕСТИ

Во пожарот во Кочани загинаа и осум членови на ДНК: Шест месеци од трагедијата

Кој е Александар Нацев, новиот обвинет за пожарот во Кочани

Родителите на тапанарот Џоко Ѓоргиев кој загина во пожарот во Кочани за еМагазин: Нема цена за нашето дете, сакаме правда

Фото: Игор Бансколиев