Која е судијката Диана Груевска Илиевска која ќе го суди предметот за пожарот во Кочани

Основниот кривичен суд Скопје вчера го одобри обвинението за трагедијата во Кочани, каде во пожар во т.н. дискотека „Пулс“ загинаа 62 лица, а беа повредени 203 лица.

ПОВРЗАНИ ВЕСТИ

Одобрено обвинението за пожарот во Кочани

Обвинението е одобрено во целост, а предметот ќе го суди судијката од Кривичен, Диана Груевска Илиевска.

ПОВРЗАНИ ВЕСТИ

Каков имот пријавила судијката Диана Груевска Илиевска, која ќе го суди предметот за пожарот во Кочани

Која е Груевска Илиевска

Таа работи во одделот Кривично полнолетни, а судијка според нејзината официјална биографија станала во февруари 2006 година.

Има 19 годишен судски стаж и претходен 17-годишен стаж како стручен соработник

На јавноста и е позната по неколку судски случаи.

Таа претседаваше со судечкиот совет во случајот „Ласкараци“, кој се однесува за автобуската несреќа во која загинаа 16 лица, а 37 беа повредени. Судењето поради супервештачење траеше подолг временски период, како и што се прогнозира дека ќе трае и судењето за трагедијата во Кочани.

Беше делегирана и како член на судечкиот совет кој го судеше предметот „Организатори на 27 април“.

Одреден период го судеше и предметот „Поткуп“ против поранешниот лидер на СДСМ и премиер, Зоран Заев.

Таа го судеше и предметот во кој на поранешниот премиер и министер за одбрана Владо Бучковски му се судеше за набавката на резервни тенковски делови во АРМ.

ПОВРЗАНИ ВЕСТИ

Пораките кои ги објави ИРЛ се мал дел од доказите: Се уште се водат предистрага и истрага за трагедијата во Кочани

Суспендирани испектори на УЈП опфатени со предистрагата за пожарот во Кочани

Кој е Александар Нацев, новиот обвинет за пожарот во Кочани