Аце Боцевски-Циганот, кој 28 години, Македонија, го бара со меѓународна потерница за убиство, нема да биде екстрадиран од Грција, откако судот во Солун одлучил дека случајот е застрен и му ја укинал мерката притвор, пренесе грчката државна агенција АНА-МПА.
Тој пред Судот тврдел дека бегството од Македонија било поради политички притисоци, дека работел во обезбедувањето на поранешниот македонски претседател Киро Глигоров и дека се чувствувал загрозено.
Боцевски е осуден на 15 години затвор за убиството на 37-годишниот Сеат Ибраими во ноември 1997 година, а откако беше пуштен од притвор, избега во Грција.
Тој беше уапсен во Грција во мај годинава во Катерини, каде што живеел подолг период.
Денеска има 60 години и има сопствен бизнис – издава соби во областа Пиерија.
Фото: Унсплеш/МВР
