Од понеделник, 1. декември, поскапува цената на топлинската енергија за домаќинствата во Скопје.
Истата, како што информираше денеска претседателот на Регулаторната комисија за енергетика, водни услуги и услуги за управување со комунален отпад (РКЕ), Марко Беслимовски, се зголемува во просек за 5,9%.
За корисниците кои се снабдуваат преку најголемиот систем (ЕСМ Дистрибуција, ЕСМ Снабдување и ЕСМ Производство) поскапувањето е во просек за 5,9%, за потрошувачите на ЕСМ Енергетика е 7,6%, а за Скопје Север – Енерџи Еко Линк околу 7,7%.
Причината за поскапувањето како што објасни, е што во наредниот период ќе се инвестирало во развивање на дистрибутивната мрежа, која што е изградена во средината на 60-тите години на минатиот век и поради тоа што во изминатиов период се менувале повеќе сопственици.
Најави дека во наредниот период се очекува да се спојат железарското парно и градското, за да нема различно зголемување на цената.
За подобрување на мрежата, ќе се чека завршување на оваа грејна сезона.
Моментално околу 65.000 потрошувачи се снабдуваат со топлинска енергија.
Фото: Унсплеш
